malem minggu

malem minggu

sugeng ndalu mingguan sedaya kemawon...........

ingkang nembe malem mingguan ngatos-atos nggih...😊 sumangga budayaaken yang-yangan sehat 😉

ingkang taksih jomblo nggih mangga saged nyobi malem mingguan wonten pusat kithanipun, mbok bilih  bibar malem mingguan menika lajeng boten dados jomblo malih 😀

lan malem mingguan menika boten mligi kagem tiyang ingkang kagungan kekasih kemawon. ananging sinten kemawon saged ngraosaken malem minggu ❤

maturnuwun 😉

Tembung-tembung Legena Saking Carakan Lan Tegesipun

Tembung-tembung Legena Saking Carakan Lan Tegesipun

1.       Ha

Ha           +             na           =             ana         =           wonten

Ha           +             pa           =             apa         =           menapa

Ha           +             ja            =             aja          =           sampun/ampun

Ha           +             la             =             ala          =           boten becik

2.       Na

Na          +             ta            =             nata       =        nata/ngrakit/masang

Na          +             ga           =             naga      =          kewan kados ula ananging ageng

3.       Ca

Ca           +             ra            =             cara        =           cara/cara (dhaharan)

4.       Ra

Ra           +             ma          =             rama     =          bapa/bapak

Ra           +             ga           =             raga       =           awak/badan

Ra           +             da           =             rada       =           radi

Ra           +             sa           =             rasa        =           raos

Ra           +             ta           =             rata        =          rata/radin

Ra           +             wa          =             rawa      =           kados tlaga ananging alit

Ra           +             ja            =             raja        =           raja/panguwaos

5.       Ka

Ka           +             ra           =             kara       =          jinisipun wiji-wijian

Ka           +             la             =             kala      =           nuduhaken wekdal

Ka           +             ya          =             kaya       =          kados

6.       Da

Da           +             ra            =             dara       =           jinisipun manuk

Da           +             sa            =             dasa       =           puluh/nuduhaken puluhan

Da           +             wa          =             dawa     =         dawa/panjang

Da           +             ya           =             daya      =           kekuwatan

7.       Ta

Ta           +             ta            =             tata        =          tata

Ta           +             wa          =             tawa      =          tawa/tawar

Ta           +             pa           =             tapa       =           semedi

Ta           +             ya           =             taya       =           ilang/suwung

8.       Sa

Sa           +             ha           =             saha       =           karo/lan/kaliyan

Sa           +             ka           =             saka       =           saking

Sa           +             la             =             sala        =           kitha Sala

Sa           +             pa           =             sapa       =         sinten

Sa           +             da           =             sada       =           balunganipun blarak

Sa           +             ba           =             saba       =           lunga

Sa           +             nga         =             sanga    =          sanga

9.       Wa

Wa         +             na           =             wana     =          alas

Wa         +             ja            =             waja      =           untu

10.   La

La            +             ra            =             lara         =           sakit/gerah

La            +             wa          =             lawa       =          lawa/kalong

La            +             ya           =             laya        =           rusak/sirna

La            +             ga           =             laga        =           solah tingkah

11.   Pa

Pa           +             ra            =             para       =         nuduhaken subjek/objek ingkang kathah

Pa           +             da           =             pada      =          tetenger wonten ing tulisan Jawi

Pa           +             sa            =             pasa       =           siyam

Pa           +             la             =             pala        =           jinisipun woh

Pa           +             dha        =             padha   =      sami

12.   Dha

Dha        +             dha        =             dhadha =          jaja/bagiyan badan nginggilipun padharan

13.   Ja

Ja            +             ka           =             jaka        =          lare kakung

Ja            +             ja            =             jaja         =           dhadha/ bagiyan badan nginggilipun padharan

Ja            +             ya           =             jaya        =          menang

Ja            +             ga           =             jaga        =           jagi

14.   Ya

Ya           +             sa            =             yasa       =          jasa

15.   Nya

Nya        +             na           =             nyana    =         ngira/nginten

Nya        +             ta            =             nyata     =           nyata

Nya        +             wa          =             nyawa   =          sukma

16.   Ma

Ma         +             ca            =             maca     =           maos

Ma         +             ra            =             mara      =           teka

Ma         +             ta            =             mata      =          mripat/paningal

Ma         +             wa          =             mawa    =          mawi

Ma         +             ya           =             maya     =           semu/samar

17.   Ga

Ga          +             na           =             gana      =           anak tawon ingkang taksih gatra

Ga          +             da           =             gada      =           penthung cekak

Ga          +             wa          =             gawa     =          bekta

18.   Ba

Ba           +             ka           =             baka      =           jinisipun candi

Ba           +             da           =             bada      =           bakda/riaya/lebaran

Ba           +             sa            =             basa       =           basa/bahasa

Ba           +             ta            =             bata       =          bata/banon

Ba           +             wa          =             bawa     =          kaanan/sipat

Ba           +             la             =             bala      =           prajurit/pendukung

Ba           +             pa           =             bapa      =          bapak/rama

Ba           +             ya           =             baya      =           kewan rumangkang

19.   Tha

Ba           +             tha         +             ra           =             bathara                =           dewa

20.   Nga

Nga        +             pa           =            ngapa    =         wonten menapa

Nga        +             ya           =             ngaya    =           nindakake kanthi rekasa

Nga        +             ba           =             ngaba    =           ujar/printah

cariyos pribadhi "Blusukan"

Blusukan

Nalika kelas 5 SD, kula sakanca dipun paringi tugas kaliyan Guru. Tugasipun ndamel taplak kanthi ngrajut hiasanipun. Kaping setunggal menika tugasipun dipun garap wonten griyanipun S**i. Amargi rumaos jeleh, lajeng garapanipun dipun lajengaken wonten griyanipun M*****h. Nalika dugi ngrika, wonten kanca kula ingkang ngajak plesir wonten sumber (kados papan renang, ananging toyanipun alami).

Kanca-kanca lajeng sarujuk. Banjur kula sakanca dhateng sumber kanthi blusukan medal sabin-sabin lan lepen ageng. Nalika nyabrang lepen menika kula radi boten wantun, ananging wonten kanca ingkang mbiyantu.

Sampun dugi wonten sumber. Kula sakanca lajeng nglangi. Ananging kula naming ciblon, amargi boten saged nglangi. Wonten ngriki, kula sakanca ngraosaken bungah sanget. Amargi sampun dangu boten plesir sesarengan. Nalika sampun radi sonten, kula sakanca lajeng wangsul.

Nalika wangsul menika ingkang dadosaken pengalaman ingkang boten saged kula supenaken. Amargi menika kula kaliyan kanca kula setunggal, marginipun benten kaliyan kanca-kanca sanesipun. Kula lan kanca kula medal sabin ingkang nginggil (amargi kula boten wantun mandhap medal ledhok (jurang) sungai), dene kanca-kanca sanesipun medal sabin ingkang ngandhap. Kula kepleset wonten lepen, sandhal kula mlebet wonten ledhog lepen. Kula bingung anggenipun madosi. Wonten ngriku kula muwun. Nalika sandhalipun sampun ketemah, kula jabud saking ledhog. Anggenipun kula njabud menika radi awrat, kados wonten ingkang nggondheli. Lajeng nalika ketemah kanca-kanca sanesipun, kula lan kanca kula mandhap. Nalika mandhap menika kula kepleset. Clana kula ingkang bagian wentis (pupu) wingking menika suwek, ananging suwekipun naming alit. Dados nggih boten lingsem (isin) sanget. Saklajengipun kita kempal lan cariyos sekedhap. Bibar menika kita wangsul wonten griya piyambak-piyambak kanthi bebarengan.

Menika cariyos pengalaman pribadhi kula ingkang taksih kula emut.