BUDAYA JAWA KANG ADILUHUNG

Budaya Jawa Kang Adiluhung

Urip ing jaman modern,

Tansah ana owah gingsire,

Owah saka jati diri,

Owah saka budi pekerti,

Owah saka dalane Gusti,

Lan owah saka kabudayan iki.

Budaya Jawa kang adiluhung,

Saiki samsaya luntur.

Kabeh iki salahe sapa ?

Para mudha ora ngerti tata krama,

Para mudha ora ngerti subasita,

Para mudha luwih seneng budaya manca.

Ngakune wong Jawa, ananging ora ngerti Jawa.

Ora ngerti budaya lan basa Jawa.

Iku diarani wong Jawa kang wus ilang Jawane.

Dhuh..... para mudha lan mudhi,

Gladhi kabudayan Jawi,

Becike kanthi tumemen terusing ati,

Aja nganti rumangsa minder!

Ananging kudu kinathenan ati kang seneng.

Mugi sempulur kebudayanku,

Kabudayan Jawa kang adiluhung,

Tansah ngrembaka ing bumi nuswantara.