Ukara efektif lan efisien

Ukara efektif lan efisien inggih menika ukara ingkang ngemu teges kangge ngandharaken wedharing gagasan kanthi rinci,  lan boten perlu jelasaken sesuatu ingkang sampun jelas.

Tuladha:
1. 。Para siswa-siswa sowan dhateng griyanipun Pak Budi. (Boten efektif lan efisien)
    。Para siswa sowan dalemipun Pak Budi. (Efektif lan efisien)

2.  。Aku adus, lan awakku teles. (Boten efektif lan efisien)
     。Aku adus. (Efektif lan efisien)

3.  。Aku mundur neng mburi. (Boten efektif lan efisien)
     。Aku mundur. (Efektif lan efisien)

4.  。Mudhuna neng ngisor!! (Boten efektif lan efisien)
     。Mudhuna! (Efektif lan efisien)

5. 。Minggata!!!!!!! dadi bocah kok ora isoh ngurmati wong tua! (Boten efektif lan efisien)
    。Minggata! bocah ora isoh ngurmati wong tua! (Efektif lan efisien)

parikan

Tuku minyak menyang Blora
Minyake murah regane
Uwong sing bisa tepa slira
Wong kang sugih ngapurane

Plesir

Papan : Benteng Vredeburg

 

(© Asyrofiyatul M)

 (© Asyrofiyatul M)

 (© Asyrofiyatul M)

 (© Asyrofiyatul M)

 

(© Asyrofiyatul M)

Benteng Vredeburg menika papanipun wonten Malioboro, Yogyakarta. Menika salah setunggaling objek wisata wonten Ngayogyakarta, ingkang merupakan peninggalan sejarah jaman penjajahan.

cerkak

Kesandhung Lelembut

Dina Selasa wingi aku ngrampungake tugas gawe taplak nenggone kancaku sik jenenge Lily. Neng kono padha crita babagan papan angker kang panggone aneng lor omahe kancaku. Sakdurunge aku rada ra percoyo crita gaib, ananging pas dicritani iki awakku dadi mrinding. Let sedhela, kancaku Bemo ngomong “panas-panas ngene iki penake renang yo cah”. Akhire kanca-kanca liyane padha ngajak renang menyang sumber (kaya tlaga cilik). Gandheng yen lewat dalane malah ngalang adoh banget, mula padha ngajak lewat sawah-sawah kang angker kuwi mau.

Mangkat menyang sumber, aku digandheng Tulip amarga wedi. Dalan sawahe medeni banget, akeh wit kamboja lan ana wit ringin gedhe. Neng kono raenek uwong babar blas kajaba aku lan kanca-kancaku. Aku lekas mrinding maneh, rasane pundhakku abot banget kaya nyunggi beras 10 kilo. Mripatku  mbrebes. Rasane pingin bali mulih, opo meneh pas kudu nyabrang ndhuwur grojogan kali gedhe. Ambako digandheng Tulip karo Tiger, aku tetep nangis mergo wedi. Ananging isoh nyabrang lan tekan sumber kanthi slamet.

Tekan sumber kanca-kanca padha renang. Aku gur ciblon amarga raisoh renang. Sumbere lumayan gedhe,rada jero, akeh watune gedhe-gedhe. Ndhuwur sumber enek wit ringine, kang oyote dawa nganti pucuke krangsah tekan sumber. Banyune rada anyep amarga pas tekan kene wis rada sore. Kanca-kanca padha seneng amarga wis suwe ora dolan bareng. Kancaku Kopling ngakon Lily karo Tulip njorokke aku nyang sumber. Aku kaget banjur keplepegan neng banyu. Pas sikilku mecak, jebul jerone banyu gur sakdhadhaku. Kabeh dha nggeguyu aku. Tulip ngomong “Hahahaaa...... uwong kok jirihe ra karuan. Mbok ra jirih-jirih ta”. Aku nyauri “Aseeemmm tenan ....Lha kowe ngageti aku. Nek aku jantungen piye ?”. Raine kanca-kancaku kaya wong randue salah. Malah padha cengengesan nggeguyu aku.

Mandang wis sore, Lavender ngajak mulih. Dalan mulihe padha mau, ananging aku karo Tulip lewat sawah sik ndhuwur amarga rawani medhun lewat kali gedhe. Pas neng sawah kuwi, aku weruh simbah-simbah nganggo capil, ngadeg nengisor wit kamboja. Aku takon Tulip, ananging dheweke ngomong yen ora weruh sapa-sapa. Aku lekas mrinding maneh. Pas aku mlengo mburi, simbah-simbahe wis ora ana. Ngerti-ngerti aku kesandhung, tiba nyemplung kali. Sandhalku ilang. Tulip ngewangi goleki sandhalku ananging durung ketemu. Pas aku nggrayangi ngisor, tanganku kaya demok sikil. Aku kaget, banjur munggah saka kali trus mlayu. Tulip tak tinggal, dheweke banjur celuk-celuk “he.. enteni aku... iki sandhalmu tak temokke”. Aku mandheg setttt ngenteni Tulip. Neng kono aku mikir “aku mau kesandhung apa ya kok isoh nyemplung kali. Padal ora ana apa-apa. Watu ya raenek. Tapi mau rasane sikilku kaya ana sik narik, dadi aku tiba. Hiii... kok angker temen nggone iki”. Sandhalku banjur tak nggo kabeh. Tulip takon kena apa kok aku isoh tiba. Ananging aku nyauri yen ora papa. Sedhela maneh tekan omahe kancaku. Aku wis dheg-dhegan, awakku mrinding, pikiranku ra karuan. Pas mudhun saka dalan sawah, aku kesandhung maneh nganti njlungup. Kathokku suwek, sikilku getihe godres-godres. Tanpa sadar yen lagi lara, aku mlinguk dalan anggonku kesandhung mau, ananging neng kono ya raenek apa-apa. Aku langsung nangis. Tulip bingung le ngeneng-ngenengi aku. Kancaku le liwat ngisor banjur nyeluki aku karo Tulip. Tiger marani aku “koe kena apa kok sikilmu godres-godres, klambimu reget blethok yongono”. Tak sauri “ora papa kok ger”

Nalika wis tekan omahe kancaku, kabeh padha guneman ngomongake wit ringin cedhak sawah kang angker. Bemo kesandhung oyot wit ringin mau, banjur sikile angel ditarik. Padal oyote kuwi mau ora gedhe. Aku ya crita yen bar kesandhung lelembut ping pindho. Padha heboh ngomongake bab lelembut, aku ngajak mulih amarga aku wis ndredeg wedi lan ngrasakake sikilku kang lara mau. Aku diterke mulih Tiger. Tekan ngomah aku adus banjur ngobati sikil.

geguritan

Pituture Sliramu

Pituturmu,

Kang wis ta tuturna marang aku

Sajak e sliramu wis lali

Apa pancen nglali,

Aku yo rangerti

            Pituturmu,

            Dhek jaman semono

            Yen sliramu iku,

Ngurmati kajujuranku

Saiki wis ta lalekke

Aja nyalahke aku,

Yen pancene aku ngira

Sliramu ratau ngurmati,

Ratau ngurmati kajujuranku

            Sedhih,

            Sedhih rasane atiku

            Yen kelingan marang sliramu

Rupa lan solahmu

Saiki wis beda karo aku

geguritan

Kopi

Peteng rupamu,

Kondhang rasamu

Senajan ireng tur pait,

Sliramu ora tau pelit

Saben tak lirik, gawe  mripatku mlirik

Yen tak cicipi, gawe ayeming ati

            Ibarat pante karo segara,

            Sliramu karo gula,

Yen wis jejer, marai geger

Gegere ilat kang seneng seger

Rupamu kang peteng,

Rasamu kang kondhang,

Anggawe awak dadi bregas

Mripat ngelu dadi padhang

Ora nggagas wernamu,

Sing penting kasiatmu

Revisi Resensi Serat Kekidungan Winardi

Resensi Serat Kekidungan Winardi

Irah-irahan                   : Serat Kekidungan Winardi

Panganggit                  : Bambang Suwarno, dkk

Kacithak ing                : CV. Cendrawasih

Kitha cithak                 : Surakarta

Tahun terbit                  : 2003

Cacahing kaca             : 114 kaca

Awratipun serat          : 200 gram

Ukuranipun buku        : 16 cm x 21 cm

Isinipun resensi :

            Serat Kekidungan Winardi menika warni samakipun jene. Kertasipun ginakaken kertas buram, ukuranipun 16 x 21 cm kanthi awratipun 200 gram. Serat menika dipun dadosaken buku kanthi ginakaken lem. Sub-babipun wonten 13 dene nomeripun ngagem romawi, judulipun ngagem huruf kapital, wonten tengah nginggil.

             Serat menika wonten tiga welas bab, ingkang nyariosaken bab mujudaken wiwitan saking pakempalan tiyang gesang, ingkang sinawung ing sekar. Pepujian ing ngarsanipun Gusti Ingkang Mahakuwaos ingkang dipun tindakaken ing wanci dalu saha kawruh-kawruh utami ngelmu sampurnaning tiyang gesang, kadosta kuwajiban-kuwajibanipun tiyang gesang wonten ing alam donya, utaminipun bab puja semedi. Salat daim ing wanci tengah dalu, ingkang mahanani tumrap kamulyanipun lair lan batos dhateng sedherek kita piyambak ingkang njagi gesang kita, inggih menika ingkang saged ngawontenaken ing cipta kita. Lan kita kedah pitados dhateng Gusti Allah ingkang nitahaken, malaekat, kitab-kitab suci, saha para nabi utawi utusanipun. Salat daim saged ndayani sampurnaning tiyang gesang. Sedaya kidung ingkang sampun kaaturaken kala wau mujudaken ngelmi ingkang migunani tumrap gesang kita wonten ing alam donya.

Serat menika reginipun 25.000 (selangkung) rupiyah. Saged dipun pundhut wonten toko buku Shopping Book Taman Siswa kitha Yogyakarta, toko buku etanipun alun-alun ler, lsp.

Kaluwihanipun serat menika dipun jangkepaken kaliyan teges per wanda, dados menawi dereng paham seratipun saged maos tegesipun. Kekiraganipun serat menika ginakaken basa jawi ingkang inggil, dados kagem pemula utawi tiyang ingkang nembe gladhen basa Jawi menika awon anggenipun mangertosi. Wonten 4 bab ingkang boten wonten tegesipun. Layangipun ugi ginakaken layang buram.

Saran kagem serat menika, langkung sae menawi dipun jangkepi kaliyan glossarium  supados tiyang ingkang maos saged nambah kosakata basa Jawinipun. Layangipun langkung sae ginakaken hvs utawi sanesipun ingkang radi sae supados para maos radi cetha anggenipun maos menapa malih nalika ingkang maos menika tiyang sepuh. 4 bab ingkang dereng wonten tegesipun saged dipun jangkepaken rumiyin.

parikan

Dolan Semarang numpak kapal
Kapale udu kapal darat
Ayo padha akeh ngamal
Ngamal iku ora marai mlarat

parikan

ndhuwur meja ana ules
ulese nutupi senter
sinau aja nganti males
supaya dadi bocah pinter

parikan

Ana tikus menek wit sukun
Neng wit sukun mangan balur
Marang kanca kudu padha rukun
Supaya bisa nambah sedulur

parikan

Wulu unta keslomot geni

Semut ireng padha mati

Marang wong tua aja padha wani

Ananging kudu bisa ngurmati

parikan

kembang pelem kabur kanginan
tiba neng sandhing tabung gas
otak iku ya butuh hiburan
ora mung kanggo mikir tugas

parikan

Njupuk pasir dilebokke plastik,

Disuntak ing pinggir segara.

Tumindak becik bakal ketitik,

Lan sing ala bakal ketara.